28 январь гыч 24 март марте Йошкар-Оласе Сеҥымашын ХХХ идалыкше лÿмеш тÿвыра полатыште республик кÿкшытан «Усталык памаш» фестиваль лиеш.

Тудым Республикысе калык усталык да культур каныш паша шотышто шанче-методика рÿдер Республикысе тÿвыра, печать да калык-влакын пашашт шотышто министерстве дене пырля эртара.

Фестиваль самодеятельный коллектив ден посна исполнитель-влакын пашаштым вияҥден колташ, калык традиционный культура сферыште художественный коллектив-влакын выступатлыме мастарлыкышытым шуараш, талантан автор ден нунын произведенийлаштым, ойыртемалтше коллектив ден декоративно-прикладной сымыктыш мастар-влакым кычал муаш да самырык тукымым калык чон поянлыкым аралаш туныкташ эртаралтеш.

Пайремыш район ден ола-влак эн уста, оҥай коллектив ден участник-влакым кондат. Кажныже шке концертшым посна график почеш эртара.

Калык усталык да тÿвыра ден каныме шотышто научно-методика рÿдер.
«Кугарня» газетын пашаеҥже Ирина Степанова кусарен.