2012 ий 25 январьыште С.Г. Чавайн лÿмеш Национальный библиотекыште «С.Г. Чавайн лÿмеш Национальный библиотек: лектыш да ончыклык паша» йÿлаш пурышо шанче-практик конференций эртен.

Тушто 2011 ийысе пашам иктешлыме да ончыклык сомылым ончымо. Библиотеке тÿҥ планым темен: библиотеке дене 30186 (100%) еҥ пайдалана, 212720 еҥ (104%) тышке толын, 846394 (112%) документым пуымо. Библиотекын сайтышкыжат шуко еҥ пура, вет тушто шкенан библиотекын гына огыл, тыгак республикысе моло лудмыпöртынат пашашт ончыкталтеш. Идалык мучко 37506 еҥ сайтыш пурен.

Ӱмаште библиотекыш 11669 у документ толын. Тыге 2012 ий тÿҥалтышлан тудын фондыштыжо 1183238 экземпляр уло. Савыктыш изданий деч посна тыште 7816 электрон ден аудиовизуальный документ аралалтыт. Книга фонд 6954 экземплярлан ешаралтын. Книга-влакым утларакшым заказ почеш Российысе книга савыктышла, Йошкар-Оласе книга кевытла да «Пушкинын библиотекыже» НФ гыч налме.

Икмыняр книга гуманитар полыш семын пурен. США Конгресс библиотек гыч тÿнямбал вашталтымаш почеш книгам налме. Пытартыш ийла дене таҥастарымаште, ÿмаште фонд сайынак пояҥын. Тиде - утларакшым шанче, справочный савыктыш, художественный да краеведений изданий-влак.

2011 ийыште 934 тÿжем теҥгелан 35 компьютерым да моло оборудованийым налме.

Ик тÿҥ задаче – электрон поянлыкым ыштымаш. Утларакшым краеведений да калык дене кылдалтшым. «Марий кундем» данный базым ыштыме шотышто паша кая (2,7 тÿжем запись).

Чумырымо электрон поянлык кажне кечын кучылталтеш. «Библиотекарьым йод» службо сайын пашам ышта.
Эртыше ийыште библиотеке республикын тÿвыра ден мер илышыжым ончыктышо ятыр оҥай проектым, конкурсым, конференцийым, выставкым, усталык лабораторийым илышыш шыҥдарен.

2011 ийын шарналт кодшо татшылан «Библиотеке пашаште самырык-влак» профессионал мастарлык конкурсым шотлыман. Конкурсын пытартыш этапше Российысе библиотеке кечылан пöлеклалтын, да тушко куд еҥ лектын. Нуным ончаш Курчак театрыш шуко еҥ толын.

Ю.А. Гагаринын космосыш чоҥештымыжлан 50 ий, И.С. Ключников-Палантайын шочмыжлан 125 ий теммылан пöлеклалтше мероприятий-влак ушеш яндар шарнымашым коденыт. «Шонанпыл» выставке залын лу ияш шочмо кечыжым палемдымашымат ойырен каласыде ок лий.

А Славян Тиште кечым эртарымашым библиотекын визитный картычкыжлан шотлаш лиеш.

Лудмыпöрт проект-влак денат пашам ышта. «Российын тÿвыраже 2012-2016 ийлаште» федерал целевой программыш пураш ныл йодмашым колтен. Чылжымат ончаш тÿҥалыт. «Марий Эл Республикыште этнокультурный вияҥмаш (2009-2013 ийла)» целевой прграммыш «Марий калыкын илышыш йÿлаже. Чимари йÿла: библиографий указатель» проектым колтен.

С.Г. Чавайн лÿмеш библиотеке республикыште верланыше лудмыпöрт-влакым шотлымаште кугу надырым пыштен. Тыге 2011 ий 30 апрельлан республикыштына 665 библиотеке шотлалтеш (кугыжаныш, муниципал, тунемме тöнеж-влакын).

2011 ий октябрьыште библиотекын тÿҥ корпусшын пöртвуйжым ачалаш тÿҥалме.

2012 ийыште библиотеке шке лÿмгечыжым палемда, садлан ятыр мероприятий тидлан пöлеклалтын. Тылеч посна Россий историйын ийжылан, Марий кундемым Россий кугыжанышыш ушымылан 460 ий теммылан, 1812 ийысе Ачамланде сарыште сеҥымылан 200 ий теммылан, Россий Федерацийын Президентшым сайлымылан, Российыште Китай ден Германийын ийыштлан пöлеклалтше мероприятий-влакымат эртараш палемден.

Йÿла почеш конференций годым ойыртемалтше пашаеҥ-влакым изи-йодыштмаш почеш икмыняр номинацийыште палемденыт. Теве нунын лÿмышт:

• «Ийын библиотекарьже» - сымыктыш шотышто сылнымут пöлкам вуйлатыше Овчинникова Ирина Николаевна;
• «Ийын вуйлатышыже» - социально-экономический пöлкам вуйлатыше Колчина Светлана Петровна;
• «Эн сай коллектив» - библиографий-увер пöлка, социально-экономический литература пöлка, книга палате.
• «Идалыкын конкурсшо» - профессий мастарлыкым тергыше «Самырык-влак библиотеке пашаште» республик кÿкшытан конкурс;
• «Идалыкын событийже» - «Наука и жизнь» журнал редактор Людмила Синицына дене вашлиймаш;
• «Идалыкын пайремже» - «Шонанпыл» выставке залын 10 ияш лÿмгечыже.

С.Г. Чавайн лÿмеш Национальный библиотекын маркетинг пöлкаже.
«Кугарня» газетын пашаеҥже Ирина Степанова кусарен.