26 апрель Марий элыштына да öрдыж кундемлаште илыше марий калык коклаште Талешке кече семын палемдалтеш. Кажне ийын тиде лÿмлö кече ойыртемалтшын пайремлалтеш.

Тений Талешке кече вашеш Марий тÿвыра рудер, Марий Эл радио да М. Шкетан лÿмеш театр "Сеҥымашын мурыжо" поро кумылым ончыктышо концертым ямдылат. Тиде пайремыште республикынан сулло артистше-влак да Марий эстрада мурызо-влак марлаш кусарыме Сар жапысе руш муро-влакым йонгалтараш туҥалыт.

Кусарыме муро-влакын мутышт "Сеҥымашын мурыжо" нот дене возымо мурпогышто 2008 ийыште савыкталтыныт.

Cборникыш 23 муро пура. Тушто А. Бикын, Е. Семенован, М. Казаковын, С. Элембаевын кусарымышт кучылталтыныт: Тиде чылалан палыме "Канде шовыч", "Землянкыште", "Катюша", "Пычкемыш йÿд", "Турня-влак", "Пытартыш кредалмаш" да молат.

Мурпогыш пурышо муро-влакым "Марий кундем" оркестр йоҥгалтараш тÿҥалеш. Поро кумылым ончыктышо концертыш И. Смирнов, З. Берникова, О. Логинов, В. Сазонов, А. Беляев, С. Сушкина, А. Егошин, Л. Иванова, Л. Сидоркина, Р. Искакова, М. Почтенева, С. Строганова, "Рвезылык" ансамбль да молат ушнат.

Концерт деч вара Марий Эл радио, Марий тÿвыра рÿдер, М. Шкетан лÿмеш театр Марий калыкын лÿмлö эргыштлан чап оҥам вераҥдаш шонат.

Марий тÿвыра рÿдер.