Марий книга савыктыш у книгам савыктен - кумдан палыме поэт да кусарыше, Олык Ипай лÿмеш кугыжаныш премийын лауреатше Владимир Пановын "Последняя встреча" лÿман сборникше ош тÿням ужын.

Владимир Михайлович Панов 1935 ий 12 июньышто Мордовийысе Темников олаште шочын. Учительский институтын филфакшым тунем пытарымеке, школышто пашам ыштен, флотышто служитлен. 1961 ийыште Йошкар-Олашке илаш куснен да таче мартеат тыштак ила.

Владимир Панов - лу поэтический сборникын авторжо, чÿчкыдынак коллективный сборник ден периодический изданийлаште савыкталтын. Ий еда лектын шогышо "Дружба" альманахын икмыняр номержын составительже. Чырык курым Республикысе писатель ушемын литконсультантшылан ыштен, кы-зытсе ятыр поэт ден писательлан сылнымут корныш шогалашышт полшен.

Поэтын у книгаже пытартыш ийлаште возымо произведенийлаж гыч эн сайжым шыҥдарен. Тыгак шкенан да пошкудо республикла, Украинысе мутмастар-влакын кусарыме произведенийлашт тыште шке верыштым муыныт.

Марий книга савыктыш.